Валаамскій текстъ


Маріе​, ​Дѣво​ Чистая, Пресвятая ​Богородице​, Радуйся, ​Невѣсто​ ​неневѣстная​. Царицѣ Мати ​Дѣво​, Руно всѣхъ покрывающее, Радуйся, ​Невѣсто​ ​неневѣстная​. ​Превысшая​ Небесныхъ Силъ, Нетварное Сіяніе. Радуйся, ​Невѣсто​ ​неневѣстная​. Ликовъ дѣвичьихъ ​Радосте​, и Ангеловъ ​Превысшая​, Радуйся, ​Невѣсто​ ​неневѣстная​. Небесъ Честная ​Сило​, и Свѣтѣ паче ​всѣ​ свѣтовъ, Радуйся, ​Невѣсто​ ​неневѣстная​. Честнѣйшая Владычицѣ всѣхъ Небесныхъ Воинствъ, Радуйся, ​Невѣсто​ ​неневѣстная​. Всѣхъ праотцевъ ​Надеждо​, пророковъ Исполненіе, Радуйся, ​Невѣсто​ ​неневѣстная​. Въ ​подвизехъ​ Ты ​—​ ​Помоще​, ​Кивоте​ Бога Слова, Радуйся, ​Невѣсто​ ​неневѣстная​. И дѣвамъ — Ликованіе, и ​матеремъ​ — ​Отрадо​, Радуйся, ​Невѣсто​ ​неневѣстная​. Цѣломудрія Наставницѣ, душъ нашихъ Очищеніе, Радуйся, ​Невѣсто​ ​неневѣстная​. Покровѣ ​ширшій​ облака, и страждущихъ ​Пристанище​, Радуйся, ​Невѣсто​ ​неневѣстная​. Немощныхъ Покровъ и Заступницѣ, ​Надеждо​ ненадежныхъ, Радуйся, ​Невѣсто​ ​неневѣстная​. ​Маріе​ — Мати Христа — Истиннаго Бога, Радуйся, ​Невѣсто​ ​неневѣстная​. Аароновъ Жезлѣ Прозябшій, Сосудѣ тихой радости, Радуйся, ​Невѣсто​ ​неневѣстная​. Всѣхъ сирыхъ и вдовъ Утѣшеніе, въ бѣдахъ и ​скорбехъ​ — ​Помоще​, Радуйся, ​Невѣсто​ ​неневѣстная​. Священная и Непорочная, Владычицѣ Всепетая, Радуйся, ​Невѣсто​ ​неневѣстная​. Приклони ко мнѣ милосердіе Божественнаго Сына, Радуйся, ​Невѣсто​ ​неневѣстная​. ​Ходатайце​ спасенія, припадая взываю ​Ти​: Радуйся, ​Невѣсто​ ​неневѣстная​.


Прим.: Это Ангельское пѣснопѣніе было открытому катакомбному старостильному святому Греческому Епископу.

Комментарии