ПСАЛТИРЬ БОЖИЕЙ МАТЕРИ

 Святитель Димитрий Ростовский 

Внемлите, людие Божии, закону Бога живаго, приклоните ухо ваше во глаголы Спасителя Христа, не забудите милости и щедрот и возлюбленныя Его Матери, Преблагословенныя Приснодевы Марии, отверзите уста и сердца к славословию Ея, возвещайте от рода в род хвалы, силы и чудеса Ея, положите преславное имя Ея яко знамение или печать на сердцах ваших: якоже бо кокош, покрывает Она всех нас воскрилием риз Своих.
Песнь вместо славы

Радуйся, Пресвятая Богородице Приснодево Марие, от Тебе Царь царствующих и Господь господствующих плоть восприяти изволи, Ты ходатаица между Богом и человеки, небо и земля Твоим благословенным плодом примирены; исходатайствуй у человеколюбца Бога и моим согрешением прощение, яко да всем сердцем возлюблю и прославлю Сына Твоего, Господа нашего Иисуса Христа, и Тя, многомилостивую Матерь, ныне и во веки веков.

Госпоже! вольныя моя грехи и дуси нечистыя приидоша во святый храм души моея и опустошиша его дерзностне; увы! плача плачу со Иеремиею и слезы мои на ланитех моих: како потемне злато веры моея? како изменися сребро любви к сладчайшему Иисусу? како разсыпашася стяжания святыни христианския? увы! согреших на небо и пред Тобою, Владычице, заступи за мя, грешнаго, пред Богом, присовокупи мя паки к лику избранных Его, одожди огорченному сердцу моему капли сладости небесныя благодати Твоея.

Радуйтеся Госпоже помощнице нашей, воскликните Ей в веселии сердца вашего: не оставит тщетно смиренное моление ваше, исполнит во благих вся прошения ваша, токмо да подражаим смирению, послушанию и кротости Ея: любит бо Она богобоязливая сердца, благодать Ея всегда пребывает с таковыми: притецыте убо к Ней вси со обещаниями святыми и неизреченных благих Ея причаститеся. Слава Тебе, Владычице, неотемлемое сокровище душ наших!

Владычице, кто по Бозе подобен Тебе на небеси и на земли, яко честию и славою превосходит небожителей и земнородных? Якоже отстоят небеса от земли, сице превознеслася еси над всеми творениями. Прильпе душа моя по тебе, Царице небесная, сотвори мя выну мысленно взирати на славу и величество Твое, яко да насыщуся ненасытимою благодатию Твоею.

Приклони, Госпоже, ухо Твое и услыши мя; обрати матернее лице Твое и помилуй мя; сияние святыя красоты Твоея веселит душу мою, милости Твоя паче меда и сота, даяние благодати Твоея просвещает разум, источник благостыни Твоея напаяет жаждущих, Ангельский зрак лица Твоего отвлекает от греха; видети, знати Тя и покланятися Тебе есть корень блаженнаго безсмертия и прославляти силы Твоя есть путь спасения.

Основание духовной жизни есть любити Иисуса Христа всем сердцем и всею душею и рождшей Его по плоти возлюбленней Его Матери, Пречистей Приснодеве Марии покланятися благоговейно и чтити Ю, яко препрославленную Царицу небесную, честнейшую Херувим и славнейшую Серафим. Преславная глаголашася о Тебе, о, священнейший храме и раю словесный; истинно уповающии на Тя обрящут вся сокровища небесныя, а не призывающии Тя в жизни сей, жизни вечноблаженныя лишатся. О, премилосердная Владычице, сотвори, да живем благодатию Святаго Духа и сладчайшее имя Твое выну да будет в сердцах наших.

Госпоже Марие, Ты едина скорая помощница во спасение мое; во дни и в нощи взываю к Тебе: призри на скорбь внутреннюю мою и утеши небесным Твоим посещением унылый дух мой; умножишася бо беззакония в душе моей и несть мира в костех моих от лица грех моих, но молюся Ти, всемощная Владычице, помози мне к сопротивлению злей воле моей и утверди сердце мое на брань с плотскими похотьми.

Радуйся, Пренепорочная, Пресвятей Троице предстоящая; радуйся, благословенная в женах, душею и телом Пречистая Марие; молюся Ти, осияй светлостию лица Твоего внутренняя души моея, яко о Тебе возрадуется сердце мое, утешится дух мой, яко да прилежно работаю Тебе и всею душею и всем сердцем возлюблю Тя во веки веков.

------------------------------------------------------------------------------------------------------------------------------

Сегодня как никогда велика роль Божией Матери, Своей всесильной рукой сдерживающей нестерпимый Божий гнев, готовый излиться на растленный и развращенный мир. Сегодня, когда нету "Удерживающего Рима" и ритуально принесен варварами - сатанистами в "жертву всесожжения" "Держай" — власть Удерживающей передана Ей - нашей Небесной милосердной Заступнице. Основные молитвы мы должны возсылать Ей и только Ей. Молитва верных возлетает , чтение - бубнение молитв стелется по земле или проваливается в преисподнюю. Всё зависит от завета души со Господом - ЗАВЕТА ПРАВДЫ. Верный не в праве пребывать в стане врагов Христовых. Это - измена.